வர்த்தக நிறுவனங்கள் பயன்படுத்தும் எரிவாயு சிலிண்டருக்கான விலை 36 ரூபாய் 50 காசு குறைக்கப்பட்டுள்ளது. நாட்டில் ஒவ்வொரு மாதமும் முதல் நாள் சமையல் எரிவாயு விலையில் மாற்றம் செய்யப்பட்டு வருகிறது.

அதன்படி இன்று முதல் வர்த்தக எரிவாயு சிலிண்டர் விலை 36 ரூபாய் 50 காசுகள் குறைக்கப்பட்டுள்ளது. சென்னையில் 2 ஆயிரத்து 177 ரூபாய் 50 காசுக்கு விற்பனை செய்யப்பட்ட வர்த்தக எரிவாயு சிலிண்டரின் விலை தற்போது இரண்டாயிரத்து 141 ரூபாயாக குறைந்துள்ளது. கடந்த மே மாதம் 19 தேதிக்கு பிறகு வர்த்தக எரிவாயு சிலிண்டர் விலை நான்காவது முறையாக குறைக்கப்பட்டிருப்பது குறிப்பிடத்தக்கது.

2 ஆயிரத்து 508 ரூபாய் வரை விலை உயர்ந்திருந்த நிலையில் தற்போது தொடர்ந்து குறைந்து வருகிறது. இந்நிலையில், விமானங்களுக்கு பயன்படுத்தப்படும் எரிபொருளின் விலையும் 12 சதவிதம் அளவிற்கு குறைக்கப்பட்டுள்ளதாக எண்ணெய் நிறுவனங்கள் அறிவித்துள்ளன. சென்னையில் ஒரு லிட்டர் விமான எரி பொருளின் விலை 126 ரூபாய் 51 காசுகளாக குறைக்கப்பட்டுள்ளது.