இந்தியப் பத்திரங்கள் மற்றும் பரிவர்த்தனை வாரியம் (செபி) இப்போது வாட்ஸ்அப், டெலிகிராம் மற்றும் சிக்னல், போன்ற உடனடி செய்தி தளங்கள் மூலம் பத்திரச் சட்டக் குற்றவாளிகளுக்குக்கு, சம்மன்கள் மற்றும் உத்தரவுகளை அனுப்பும் செயல்முறைகளை விரைவாகவும் திறமையாகவும் செய்யும் முயற்சியை மேற்கொண்டுள்ளது. இது மின்னணு அஞ்சல், பதிவு அஞ்சல், கூரியர் மற்றும் தொலைநகல் உள்ளிட்ட வழக்கமான தகவல் தொடர்பு முறைக்கு கூடுதலான சேவையாக இருக்கும்.

உச்ச நீதிமன்றம், நீதித்துறை செயல்முறைகளுடன் ஒருங்கிணைந்த நோட்டீஸ் மற்றும் சம்மன்களை மின்னஞ்சல்களுடன் கூடுதலாக வாட்ஸ்அப் மற்றும் டெலிகிராம் போன்ற உடனடி செய்தியிடல் சேவைகள் மூலம் வழங்குவது சட்டப்பூர்வமாக செல்லுபடியாகும் என்று ஜூலை 11, 2020 அன்று கொள்கையளவில் ஒப்புக்கொண்டது. தலைமை நீதிபதி எஸ்.ஏ.பாப்டே மற்றும் நீதிபதிகள் ஆர்.எஸ். ரெட்டி மற்றும் ஏ.எஸ்.போபண்ணா ஆகியோர் அடங்கிய அமர்வு, அட்டர்னி ஜெனரல் கே.கே.வேணுகோபால் மற்றும் சொலிசிட்டர் ஜெனரல் துஷார் மேத்தா ஆகியோரின் பரிந்துரைகளை ஏற்றுக்கொண்டது.

உச்சநீதிமன்றத்தால் தொடங்கப்பட்ட இந்த நடைமுறை இப்போது டெல்லி உயர்நீதிமன்றம் மட்டுமல்லாது மாவட்ட நீதிமன்றங்கள் மற்றும் நிதி அதிகாரிகளாலும் பின்பற்றப்படுகிறது. பல வழிகளில் ஆவணங்களை வழங்குவதற்கான ஆணை, அறிவிப்புகளைப் பெறுவதைத் தவிர்ப்பதற்கான பெறுநர்களின் தரப்பில் ஏதேனும் சாமர்த்தியமான முயற்சிக்கு எதிரான ஒரு தடுப்பாகவும் செயல்படும் என்று வழக்கறிஞர்கள் தெரிவித்தனர். ஆவணத்தின் சேவையைப் பெறுபவர் பார்த்தாரா என்பதைத் தீர்மானிக்க, வாட்ஸ்அப்பின் நீல-டிக் அம்சம் நீதிமன்றங்களால் பயன்படுத்தப்படும்.