இந்தியாவில் தலைமைக் குழுவை வலுப்படுத்தும் வகையில், ஸ்கோடா ஆட்டோ வோக்ஸ்வாகன் இந்தியா பிரைவேட் லிமிடெட் மேலாண்மை வாரியத்தில் முக்கிய மாற்றங்களைச் செய்துள்ளது. 

ஸ்கோடா ஆட்டோ வோக்ஸ்வாகன் இந்தியாவின் புதிய தலைவராக கிறிஸ்டியன் ஷென்க்கை ஸ்கோடா ஆட்டோ வோக்ஸ்வாகன் நியமித்துள்ளது. அதே நேரத்தில் பியூஷ் அரோரா பிராண்டின் நிர்வாக இயக்குநராக நிறுவனத்தில் சேர்ந்துள்ளார். 

நியமனங்கள் குறித்து கருத்து தெரிவித்த ஸ்கோடா ஆட்டோவின் தலைமை நிர்வாக அதிகாரி தாமஸ் ஷாஃபர், “இந்தியாவில் SAVWIPL இன் வணிகத்தைப் பற்றிய கிறிஸ்டியன் கான் வான் சீலனின் புரிதலும், பியூஷ் அரோராவின் இந்திய வாகனத் துறையின் ஆழமான அறிவையும் அனுபவத்தையும் பூர்த்தி செய்யும் என்று நான் நம்புகிறேன்.  கிறிஸ்டியன் ஷெங்கின் ஆதரவுடன், இந்திய சந்தையில் எங்களது வளர்ச்சியை விரைவுபடுத்த இந்த தலைமைக் குழு முழுமையாக தயாராக உள்ளது” என்றார்.

2022-ஆம் ஆண்டு நாட்டில் உள்ள Volkswagen குழும பிராண்டுகளின் அனைத்து முயற்சிகளிலிருந்தும் குறிப்பிடத்தக்க மாற்றங்களை இந்தக் குழு கொண்டு வரும்.  மேலும், ஸ்கோடா ஸ்லாவியா மற்றும் வோக்ஸ்வாகன் விர்டஸ் அறிமுகப்படுத்தப்பட்டதன் மூலம், நிறுவனம் இந்தியா 2.0 திட்டத்தின் இறுதி கட்டத்துக்கு செல்லும் என எதிர்பார்க்கப்படுகிறது.