இந்திய டிஜிட்டல் சந்தையில் முன்னணி நிறுவனமான ஃப்ளிப்கார்ட்டின் இணை நிறுவனரான சச்சின் பன்சால், தன் கல்லூரி கால நண்பரான அங்கித் அகர்வாலுடன் இணைந்து 2018ல் நவி டெக்னாலஜிஸ் என்கிற நிதி சேவை நிறுவனத்தை தொடங்கினார். இந்த நிறுவனம் மூன்று ஆண்டுகளுக்கு பிறகு 2021ல் லாபமீட்டியது. அதனைத் தொடர்ந்து அந்த நிறுவனத்துக்கு ஐபிஓ வெளியிட ஆயத்தமாக்கி வருகிறார் சச்சின்.

ஆக்ஸிஸ் கேப்பிட்டல், ஐசிஐசிஐ செக்யூரிட்டிஸ், போஃபா செக்யூரிட்டிஸ் மற்றும் கிரெடிட் சூய்ஸி ஆகியவை ஆலோசகர்களாக வந்துள்ளதாகவும், தேவைப்பட்டால் மேலும் பல வங்கிகளை சேர்க்கலாம் என்றும் மற்றொரு நபர் கூறினார். பட்டியல் இடப்படும் பங்குகளின் விலை இன்னும் தெளிவாக இல்லை. ஆனால் அதன் ஆரம்ப நிலையில் சுமார் 500 மில்லியன் டாலர்களை பரிந்துரைக்கின்றன. இந்த மதிப்பு இன்னும் கூடலாம் என்று தகவல்கள் தெரிவிக்கின்றன.

நவியின் வணிகங்களில் கடன் வழங்குதல், பொதுக் காப்பீடு, பரஸ்பர நிதிகள் மற்றும் மைக்ரோஃபைனான்ஸ் ஆகியவை அடங்கும். உள்நாட்டில் கட்டமைக்கப்பட்ட தொழில்நுட்பத்தின் ஊடாக, உலகளாவிய வங்கியின் உரிமம் பெறுவதற்கு ரிசர்வ் வங்கியின் ஒப்புதலுக்காக காத்திருக்கிறது. காப்பீட்டுத் துறையில், நவி டெக் பாலிசிபஜார், டிஜிட் மற்றும் அக்கோ போன்றவற்றுடன் போட்டியிடுகிறது, அதே சமயம் மியூச்சுவல் ஃபண்ட் இடத்தில், பேடிஎம், குரோ மற்றும் ஜீரோதா போன்ற சக நிறுவனங்களைக் கொண்டுள்ளது.

நவி டெக்னாலஜிஸ் 2021 நிதியாண்டில் ரூ.71 கோடி ஒருங்கிணைந்த லாபத்தை ஈட்டியது மற்றும் முந்தைய நிதியாண்டில் ரூ.8 கோடி நஷ்டத்தை சந்தித்தது. ஆண்டுக்கு ஆண்டு (YoY) ரூ.212 கோடியிலிருந்து ரூ.673 கோடியாக 217 சதவீதம் வளர்ச்சியடைந்துள்ளது. சமீபத்தில், நிறுவனத்தின் மியூச்சுவல் ஃபண்ட் பிரிவு பிளாக்செயின் நிதிக்காக வரைவு தாக்கல் செய்தது.