சென்னையில் ஒரு சவரன் ஆபரணத் தங்கத்தின் விலை 408 ரூபாய் குறைந்து 40,160 ரூபாய்க்கு விற்பனையாகிறது.

கடந்த சில நாட்களாக தங்கத்தின் விலை ஏறுமுகத்தில் இருந்த நிலையில், இன்று(08.03.2022) உலக மகளிர் தினத்தையொட்டி தங்கம் விலை குறைந்துள்ளதால் பெண்கள் மகிழ்ச்சியடைந்துள்ளனர்.

உயரத்தில் தங்கம்:

உக்ரைன் ரஷ்யா போர் காரணமாக கடந்த சில நாட்களாக கச்சா எண்ணெய் விலையும், தங்கத்தின் விலையும் மிகக் கடுமையாக உயர்ந்து கொண்டே வருகிறது.  இதனால் முதலீட்டாளர்கள் அனைவரும் பங்குச் சந்தைகளில் இருந்து வெளியேறி வருவதுடன், தங்கத்தில் முதலீடுகளை செய்து வருகின்றனர்.

சற்று குறைந்த தங்கம்:

அதன்படி, சென்னையில் இன்று செவ்வாய்கிழமை (08.03.2022) 22 காரட், ஆபரணத் தங்கம் கிராமுக்கு 51 ரூபாய் குறைந்து 5,020-க்கு விற்பனை செய்யப்படுகிறது. ஒரு சவரன் ஆபரணத் தங்கம் 408 ரூபாய் குறைந்து 40 ஆயிரத்து 160 ரூபாய்க்கு விற்பனையாகிறது. 24 காரட் தூயத்தங்கம் 1 கிராம் 43 ஆயிரத்து 88-க்கு விற்பனை செய்யப்படுகிறது. ஒரு கிராம் வெள்ளியின் விலை 1 ரூபாய் 10 காசுகள் குறைந்து, 74.60-ஆக விற்கப்படுகிறது.